koi apna sa...

jab koi apna ban jata hai, har dukh aadha ho jata hai..
jab sath hamare chalta woh, rasta chhota ho jata hai..

har pal bus usko paane ki, koshish mein mann yeh rehta hai,
jab samne wo aa jata hai, sab kuch bus tham sa jata hai..
jab koi apna ban jata hai, har dukh aadha ho jata hai.

jab maine yeh jag jaana tha, tab main ikla anjana tha,
par jabse usko jaana hai, sab lagta bahut suhana hai..
ab ikle baitha karta hun, par tanha nahi hota hun main,
woh har pal hai ab sath mere, sab uski baatein yaad mujhe,

har baat ussi ko kehne se, jab mann b khush ho jata hai,
aur usse har raaz batane se, sab kuchh hasil ho jata hai..
phir shaam bitana us din ki, jab usse milna hota hai,
jeevan ka har rang dikhta jo, shayad bus mann mein hota hai..

jab raat ko jagte khwabo mein, har pal woh chehra dikhta hai..
aur soch ke usko aise hi yaadon ka sooraj ugta hai,
woh raat bitana baaton mein, aur jaagte rehna aankhon mein,
aur maang khuda se usko hi bus jodte rehna haathon ko,

sab kuchh sapna sa lagta hai , jab koi apna sa lagta hai,
jo socha woh bus chahe to, jeena aasan ho jata hai..
jab koi apna ban jata hai, har dukh aadha ho jata hai..

-by ram

tanha..

kaun kehta hai main tanha hun yahan..
jo hota to kyun tum yun hath thaame chalti mera.
kaun kehta hai ki tum door ho mujhse..
door hoti to tumhari khusbhu kaise aati bhala.

jo dooriyon ki paribhahsa suni thi..woh to galat hi sabit ho chuki..
kahin khuda to nahi tum..jo matlab badal diya ho tumne har baat ka..
gar sun na pata jo main to maan b leta khud ko akela phir..
par teri khanakti hasi ko ansuna kaise kar dun main bhala..

jab shaam ko ghar aate mein teri yaad muskuraya karti hai mere hothon pe..
to kaise maan lun ki tu sath nahi humsafar ki tarah..
haan, galat hain woh jo tujh ko mujhse door bataya karte hain..
gar akela hota to har chehre mein tu kabhi dikhti bhala...


-by "ram"

zindagi...my life...

zindagi ko has kar bulate, maine dekha hai..
kabhi bahon mein jhulate kabhi pyar se sulate, maine dekha hai.

dhoop mein khade hoke khud ko chhaun se bachate, maine dekha hai..
chhat hokar bhi boodein mein bheeg jate khud ko, maine dekha hai.

sab kuchh pass hote hue bhi, band kamre mein aansun bahate khud ko, maine dekha hai..
hamesha kuchh paane ki koshish mein haathon ko khali jaate hue maine dekha hai.

jin par khud se jyada yakin tha mujhe, unhe jhat se mukar jate, maine dekha hai..
jinke liyen jaan de sakta tha main, unhe mujhi se daman bachate, maine dekha hai.

jab sab kuchh pyara dikhta ho, us pal sab ojal hote, maine dekha hai..
saare sapno ko bus aankhon mein hi khote, maine dekha hai.

shayad ret k gharonde the mere, jo waqt ki lehron mein beh gaye,
aur hum jo sochne wale the, bus sochte hi reh gaye!!


-by "ram"

lakhsya

winning spirit..

jab lakhshya pata to ruke kahan, bus chal pad tu wohi rah atal..
tu jhuke nahi aur ruke nahi, ab karta chal sab karya safal..

ab raah dekhna chhod de tu kisi aur sahi se avsar ki..
aur zara soch k dekh le tu, sada raah taki tune is pal ki..
jis pal tune yeh socha tha, keval sahas tha hath tere..
tu jeet ka dhwaj phehrayega, koi ho na ho phir sath tere..

aandhi aani thi aayegi, kahan aanka tha tune yeh kal..
tu jhuke nahi ab ruke nahi, bus karta chal sab karya safal..

yeh jivan hai ek yudh chhetra, jahan pal pal badha aati hai..
abhi dikhti hai jo rah saral, aage sankri ho jati hai..
yeh soch k par ghabra na tu, bus daal de ab pag is path par..
jo satya ko thaama hai tune, na vyartha kisi ki chinta kar..

kuchh ho hum kar dikhlayenge, bus rakh yeh apna lakshya sakal..
tu jhuke nahi aur ruke nahi, ab karta chal sab karya safal..

-by "ram"

obviously bakwaas..

kisi ne kabhi kaha hai.. All men are dogs..kabhi kabhi lagta hai ki all nahi to kam se kam kuchh to jaroor hote honge tabhi yeh baat samne aayi hai.. :) hota hai yaar..jaane dete hain..no discussions in such khatarnaak matters :)

pata nahi kyun raat ko neend nahi aati ab der tak. kai din se yeh change aaya hai..pata nahi kyun par hamesha se to aisa nahi tha..main to pet bhar k sota tha yaar.aur ab to ulluon ki tarah jaagne ki aadat hoti ja rahi hai..aise b sone ki koshish k naam pe aap lite band karke letne ke alawa kar b kya sakte ho?? nothng na..maine b wahi koshish ki par fail haiga g. asal mein kai baar sapne hi sone nahi dete..aur woh sapne khaas taur se jo naye naye uge hote hain aapke mind mein..hota hai yaar..aur main to shuru se hi mast wala planchi raha hun..hamesha pehle sapna then us tak pahunchne ka plan..dono cheezen mast taiyaar milti hain yahan. 24X7.. :)

Life is divided in so many parts that u can nvr know when u'll have time to c urself..yups..kabhi ghar k liyen time kabhi office k liyen kabhi frnds k liyen..hamesha aisa hi hota hai..baaki bacha NSE aur BSE kha jaate hain aur mere naam pe bachta hai to bus weekend ka koi bacha khucha sa aadha ghanta ya 15 minute..jo kabhi mil gaya to kabhi nahi.. pata hai kabhi kabhi to jaan boojh k khud k liyen time nahi nikaalna chahta main..coz kabhi jyada soch liya na to purani kahaniyan bhoot banke samne aane lagti hain.. maine ek baat to seekhi hai ..na to past mein ji sakte hum na future mein..sirf life ka prsent jiyo aur unhi lamho ko apna maano..past mein aap kuchh change kar nahi sakte aur future mein change aaj tak koi kar nahi paya..aur present mein hi agar sochoge to jaan to 10000 lafde milenge yaar.. its not only my story..sabka yahi haal hai.. aur agar koi befikkra hai na..then I'll call him Lucky..absolutely..par maine bahut se lukiyon ko b paani maangte dekha hai...mujhe lagta hai ki worryless hone ka b time hota hai aur jab tak woh time nahi aaya..to aap sirf worryless hone ka dikhawa kar sakte ho ho nahi sakte...
aur dikhawa mujhe shuru se pasand nahi..yups..i know i m not perfect..kabhi kabhi main b chance maar leta hun show off mein..par as I said kabhu kabhi...
zindagi ko cool chalane mein is show off ka b hath hota hai sach mein.. abhi thode din pehle maine hi ek aisi harkat ki jisko karne k pehle maine 10 baar socha ki karun ya na.. par sochne mein hi itni khushi mil rahi thi ki maine socha kar hi daalun..jo hoga dekh lenge..maine ki..ek mail..then reply b aaya..aur kuchh kuchh waisa hi aaya jaisa maine socha tha..par andar se ek satisfaction hua mujhe..yeh to at least nahi laga ki mane galat kiya..aur agar main sahi hun to baaki to dekh lenge phir..
meri nazar mein har baat agar kisi ki maani ja sakti hai to woh duniya mein sirf ek hi aadmi hai ..aur woh hai BOSS.. yeh.. I believe boss is always right..baaki to agar ram b bole na ki har baat sahi hai uski to b main na maanu.. :D
age bhale hi kam ho meri par jitne + - maine kiye hain na apni life mein unhone bahut kuchh sikhaya hai mujhe..aur mujhe nahi pata jo seekha hai ya seekh rha hun woh galat hai ya nahi..bus itna jaroor hai ki jo theek lagta hai dohrane ki koshish jaroor karta hun..100% nahi to 50% sahi..

meri ek line hai jo mujhe hamesha sahi lagti hai..Time is the best teacher that teaches in the worst way.. jab ho jata hai tabhi lagta hai ki Areeee yeh kaise hua??..par time babu to sikha k nikal lete hain baaki bache aap aur aapki galtiyon ka tokra jo aapke hi sir phootega..mujhe b kai saari shikayat hain time se..par time to lagataar bhagg raha hai na..uske pass kahan time hai kisi se behas karne ka :)


"ram"

memories n me, 1 on 1 ..:)

kabhi kabhi ajeeb lagta hai,
kuchh doobte teirte dekhna kahin apne andar hi..
tanhaee jab khud ko hi akela kar deti hai aur pass koi nahi dikhta na hota sach hi kabhi..
par sochta hun tab ki shayad hissa ban gaya hai zindagi ka yeh sab bhi..

aur hota hi kya hai jab kuchh toota hua ho apne hi andar pehle ..
aur kuchh nayi boonden aa ke usse phir galane lagti hai apne hi ansuon ki..
jab soch ke lagta hai ki kabhi pehle hi socha hota to zindagi ki gintiyan na ginta..
balki gaata un geeton ko jo zindagi k suron pe bandhen hote kahin pe...

lagta hai ki har mukaam ko pa lenge aage aage kabhi..
par kya pichhle mukaam mita payenge kabhi..
lagta asambhav sa hai yeh sab par kuchh nahi ho sakta yeh socha k hi khud ko masroof kiye jata hun chupchap hi..
bahut si baatein kahin par aise hi reh jati hain jab ankahi aur anjani si..
tab sochna b gunah lagta hai aisa kuchh bhi jiske hote hi sab theek ho jayega shyad..

baar baar kehta hun khud se hi ki zindagi k yeh mukaam b to maine hi likhe the kabhi apne hi haton se..
jinhe bhulana aur mitana hi ab har pareshani ka hal lagta hai hamesha se..
bahut se mukaam jo khud ban jate hain ya bana diye jaate hain woh hamesha sahi nahi hote apne liyen..
jaanta hun sab galat hai har baat k sath hi par dil mein akal hi nahi hoti na..kya kare yeh b...
........

by "ram"

pyar to bahut hai, batana hai kyun..

being a love victim...vyatha...

pyar kitna hai batana hai kyun...
karte to bahut hai par jatana hai kyun...

ab itne din beet chuke ki ginti na kar payen hum..
har ek pyare us lamho ko ab sadiyon mein ginwayen hum..
woh kehte hain har baar yahi.. call karna bhool jate ho kyun..
pyar to bahut hai..batate nahi kyun...

kabhi sochta hun bata hi dun main.. dhadkaon mein rehta hai jo woh tarana ho tum..
saansen lene ka ab ek bahana ho tum..
tum na aate to pata nahi kya ho gaya hota..
aur kuchh hota na hota yeh nitin yahan na hota..

unki shikayat par wahi rahegi..phir milne aate nahi kyun...
pyar to bahut hai batate nahi kyun..

zindagi k har mod pe humdum tum hi to sath rahe ho..
aur koi rahe na rahe tum to sada yaad rahe ho...
yeh pyari surat soche to suraj jagaya karta hun main..
woh meethe pal soche aksar muskuraya karta hun main..
lamho ka mol na jaanu main..par jaan se jyada pyare hain..
kuchh ho na ho apne pass..tum meri aur hum tumhare hain...
sab kuchh kar lun chahe main...sun ne ko yahi mil jata hai..
yeh mail tumhara do din mein ek hi baar kyun aata hai..

main to keh keh k haar gaya..tum samjh nahi paate ho kyun..
pyar to bahut hai batana hai kyun...



by "ram"

another change...[critical]

ek aur change dekh raha hun khud mein..ab dil mein faltu k khayaal aane kage hain. poems..ghazal ya jo b keh lo likhne ka mann karta hai. aur jab likhta hi hun, to yaan daalne mein kya issue hain. so here goes two of my 3 expressions...bear with me.. :)

a heartful welcome for all suggestions.. plz oblige me..


cheers,
nitin

first day

so here is my first step in writing blogs..I have already been writing pages from almost 10 years n now its digital as I am. U know most of the time its life, around which I roam in my diary.. but its a never ending topic I know. I have decided now to map my thinking, my life n my views to these pages so writing faltu stuff here.. :)

UK is cool n calm.. itnan jitna maine socha b nahi tha ki kabhi hoga.. thoda akelapan thodi si veerani par hamesha ki tarah nahi..pata hai yahan ek sukoon sa b hai jo hamesha yaad dilata hai kisi guzri baat ki.. aisi shaam ki jise kabhi ji chuka hun main pehle b. yahan din nahi beet pate par hafte kaise guzar jaate hain main samjh nahi paata. life ko daliy jeena baut mushkil hai yahan woh b tab jab aapke pass koi na ho aapka aapki awaz sun ne wala b , khud aapke siwa.. yahan aane ki jo wajah thi woj aaj b hai aur hamesha rahegi par kisi ki kami jo rehti hai hamesha usse koi bhulana bhi namumkin si baat hai.. pata hai tanha rehna mujhe kabhi b pasand nahi tha par kuchh saalon mein yeh change dekha khud mein ki akelapan sahi lagta hai. khud se baat karna b to jaruri hai na! Insaan ki fitrat hoti hi hai aisi ki woh har cheez ki aadat daalna chahta hai hamesha.. woh hota hai na confort zone ka funda.. so har insaan ka waise hi haal hai..hum sabka!! jo jahan hai wahin rehna chahta hai waise hi. hamesha.. dukh hota hai change se kabhi kabhi..darr lagta hai.. par life to change hoti hi hai.. aur hum khud ko ussi change mein dhaalte chale jaate ain..aur phir se woh hamari comfort zone mein aa jata hai aur pir wahi kissa chalu .. resistance for any change..aree state to FSM ki b change hoti hain..hum to insaan hai phir b :)